Kampi Mjedisor

Për çfarë bëhet fjalë ?

Kampi mjedisor ju ofron një mundësi unike për të zgjeruar njohuritë tuaja për çështjet mjedisore dhe për të fituar përvojë praktike në ruajtjen e natyrës. Gjatë kampit ju do të jetoni dhe punoni në një mjedis frymëzues për të kuptuar sfidat mjedisore të kohës sonë. Nëse jeni të apasionuar pas natyrës dëshironi të mbroni mjedisin dhe të bëni një ndryshim atëherë ky kamp është i duhuri për ju.

Periudha e kampit: 05.09. – 07.09.2024

Ku?: Bujtina Tradicionale “Tom Dragu” në Lepushë

Vendndodhja: https://maps.app.goo.gl/dMZxrZX3bCbuo8ze6

Kush mund të marrë pjesë?

Kampi mjedisor në Lëpushë është i hapur për të rinjtë e moshës 16 deri në 20 vjeç që mësojnë gjermanisht në shkollat ​​e tyre dhe zotërojnë të paktën nivelin A2 të gjuhës dhe interesohen për mbrojtjen e mjedisit. Ne jemi në kërkim të pjesëmarrësve të motivuar që janë të gatshëm të marrin përgjegjësi dhe të përfshihen në mënyrë aktive në këtë kamp.

Ku do të zhvillohet kampi?

Kampi do të zhvillohet në Lëpushë në Bujtinën Tradicionale “Tom Dragu” ambjentet e së cilës ofrojnë një hapësirë të bollshme për aktivitetet e planifikuara në programin e kampit. Gjithashtu edhe akomodimi është planifikuar po në ambientet e kësaj bujtine. Vajzat dhe djemtë akomodohen veçmas në dhoma me shumë shtretër. Gjatë kohëzgjatjes së kampit garantohen gjithashtu të gjitha vaktet ushqimore strehimi transporti dhe të gjitha kostot që lidhen me aktivitetet e kampit.

Çfarë ju pret në kampin mjedisor?

• Punëtori Interaktive: Pjesëmarrësit do të mbajnë një ditar gjatë gjithë udhëtimit të tyre për të përshkruar të gjitha vëzhgimet dhe përshtypjet gjatë kampit treditor. Ata do të përdorin fotografimin dhe skicimin për të interpretuar atë që vëzhgojnë në terren.
• Eksplorime në natyrë: Pjesëmarrësit do të kenë mundësinë të shijojnë peizazhin kulturor të Malësisë ku do të eksplorojnë Alpet Shqiptare Parkun Kombëtar Luginën e Lëpushës Shtegun e Staneve në bjeshkët e Koprishtit dhe do të diskutojnë për lidhjen e njeriut me natyrën mënyrën e jetesës përdorimin e qëndrueshëm të resurseve natyrore tipologjitë e banesave dhe riciklimin e materialeve të ndërtimit.
• Miqësi të reja: Kampi ofron një mundësi unike për të bërë miq të rinj dhe për të punuar me bashkëmoshatarë që ndajnë të njëjtin mendim. Së bashku mund të shkëmbeni ide të zhvilloni aftësitë tuaja dhe të motivoni njëri-tjetrin.

Mbikëqyrje 24-orëshe nga ekipi i kampit:

Stafi i organizatorëve do të kujdeset gjatë gjithë kohës për të gjithë pjesëmarrësit e kampit. Stafi përbëhet nga një koordinator dhe dy mbikëqyrës.

Çfarë duhet pasur parasysh gjatë aplikimit?

Nxënësit e interesuar aplikojnë me anë të një videoje kreative e cila duhet të përmbajë prezantimin e vetes (emër mbiemër mosha shkolla etj.) dhe arsyen e interesit të tyre për temën e mjedisit. Gjatësia e videos nuk duhet t’i tejkalojë 60 – 120 sekonda. Videoja duhet dërguar brenda afatit të dhënë kohor përkatësisht deri më datë 18.08.2024 nëpërmjet email-it ose WeTransfer në këtë adresë: Questo indirizzo email è protetto dagli spambots. E' necessario abilitare JavaScript per vederlo.

Pra çfarë po prisni? Aplikoni dhe le të bëjmë së bashku një udhëtim plot argëtim aventurë dhe përvoja të paharrueshme!